महायुतीचे शंकर मांडेकर यांचा अर्ज दाखल

NewsZenn Oct 30, 2024 352 0

भोर: भोर विधानसभा मतदारसंघामधून महायुतीतील राष्ट्रवादी काँग्रेसचे उमेदवार शंकर मांडेकर यांनी जोरदार शक्तिप्रदर्शन करत उमेदवारी अर्ज आज दाखल केला.

भोरमधील छत्रपती शिवाजी महाराजांच्या पुतळ्याला अभिवादन करून मांडेकरांच्या रॅलीला सुरुवात झाली. या वेळी त्यांच्यासोबत राष्ट्रवादीचे पुणे जिल्हाध्यक्ष प्रदीप गारटकर, कात्रज दूध संघाचे चेअरमन भगवान पासलकर, जिल्हा बँकेचे संचालक भालचंद्र जगताप, माजी जिल्हा परिषद सदस्य शांताराम इंगवले, माजी सभापती बाबा कंधारे, माजी उपसभापती सारिका मांडेकर, माजी युवक नगरसेवक सुषमा निम्हण, अध्यक्ष सागर साखरे, महाराष्ट्र प्रदेश सरचिटणीस राजाभाऊ हगवणे, राष्ट्रवादी महिला अध्यक्षा चंदाताई केदारी, केदार देशपांडे, कुणाल धुमाळ, राजेंद्र सोनवणे, पांडुरंग निगडे, कात्रज दूध संघाचे संचालक कालिदास गोपालघरे, मा. नगरसेवक प्रमोद निम्हण, श्रीकांत कदम, नंदूशेठ भोईर, गणपत जगताप, हरिदास कोकाटे, शिवाजी ढेबे, विक्रम बोडके, संग्राम निगडे, मुळशी तालुका युवक अध्यक्ष सुशील हगवणे, मुळशी तालुका, अध्यक्ष अंकुश मोरे, माऊली साठे आदी उपस्थित होते.

या वेळी मांडेकर म्हणाले की, मी पहिल्यापासूनच राष्ट्रवादी काँग्रेस पक्षात सक्रिय काम करणारा कार्यकर्ता आहे. आज महायुतीची उमेदवारी जरी मला मिळालेली आहे, तरी मी महायुतीच्या उमेदवारीसाठी जे जे इच्छुक पदाधिकारी होते त्या सर्वांची भेट घेणार आहे. आम्ही सर्व जण एकदिलाने काम करणार आहोत.